In 1904 werd in Sint Odiliënberg Schutterij Prins Hendrik opgericht. Nu 120 jaar later zijn we nog steeds een actieve en bloeiende vereniging met hart voor de Limburgse traditie.
Bedank veur dit zeer gesjlaag jubileumweekend!
120 jaor Sjötterie Prins Hendrik, wat ein fees!
Nao ein waek van opboewe sjtarte ós weekend vriedig mit Paaf Alaaf! Veer ware verrast door de massale opkomst wodoor ’t (zeker in ’t begin van de aovend) drukker waas biej de bonneverkoup, de bar en de wc’s dan veer es organisatie gaer haaje gewild. Mocht d’r ein volgende editie van Paaf Alaaf! komme dan numme veer zeker alle verbaeterpuntje mit.
Maar wat waas ’t gezellig! Super Sfeer! Super Artieste! Gezellige miense in en boete de tent! Sjiek!!
𝘡𝘦𝘦𝘵 𝘨𝘦𝘦𝘳 𝘪𝘯 𝘷𝘦𝘶𝘳 𝘦𝘪𝘯 2𝘦 𝘦𝘥𝘪𝘵𝘪𝘦 𝘷𝘢𝘯 𝘗𝘢𝘢𝘧 𝘈𝘭𝘢𝘢𝘧?
Zaoterdig
Nao ein korte nach begòsjte veer zaoterdig al vreug aan eine sjeetwedsjtried veur Perseunlik kampioen van de MLSB. Zowel biej volwassene es biej de jeugd waerde in versjillende categorieje gesjaote.
Vanaaf 14.00 oer waerde d’r in drietalle gesjaote door eine houp luuj oet Berg en omsjtreke. Ouch hiej waas eine gooje opkomst en väöl gezelligheid. Door ein probleem mit ein buks höbbe sommige drietalle get langer motte wachte maar ouch dit höbbe veer nog kinne oplosse door ein reservebuks in te zètte wo verder mit gesjaote kòsj waere.
Helaas sjloog ’t waer tiedes de kaveling opins compleet om wodoor veer de wedsjtried neet höbbe kinne oetsjeete. Zo wie gezag wille veer dit gaer nog oetsjeete en zölle veer zsm eine datum communicere nao de drietalle die door zeen.
Zondig
De daag van ’t Bondsschuttersfeest, weer good waer mit eine lekker zunke aan de hemel. Eine sjoone traditionele optocht mit väöl volk naeve de kantj. Sjoon om te zeen!
Daonao nog väöl gezelligheid op de sjöttewei wo veer neet allein de deilnummende sjötterieje maar zeker ouch väöl miense oet ’t dörp gezeen höbbe.
Bedank aan alle sponsore, alle vriejwilligers en idderein dae d’r biej waas om dit weekend zo te laote sjlage! Op nao ós volgend jubileum! Of op nao Paaf Alaaf 2025?
![](https://schutterijprinshendrik.nl/wp-content/uploads/2024/05/IMG_3585.jpg)
Veer zeen ós oppe sjöttewei!